Semedê mexdûranê erdlerzî konser dîya

Şaredarîya Bajarê Girdî ya Dîyarbekirî bi şirikîya Unîversîteya Dîcle, bajarê konteyneran de semedê mexdûranê erdlerzî konser tertip kerd.

Serekîya Dayîreyê Xizmetanê Cinî û Keyeyî ya Şaredarîya Girdî û Merkezê Cigêrayîşê Problemê Cinîyan û Caardişî ya UnÎversîteya DÎcle reyde semedê mexdûranê erdlerzî bajarê konteyneran de konser tertip kerd.

Hunermenda Şaredarî Solîst Songul Kale û ekîbê aye semedê hemwelatÎyan deyran vat.

Şewe bi tewrê cinî û ciwanan virazîya û hemwelatîyan çalakîye ver keyfweşîyê xo ard ziwanê xo ser.

Mexdûra erdlerzî Semanur Baga ya ke bajarê konteyneran de manenê wina vat:

“Erdlerz de banê ma xesarêko pîl girewt û ma ewilî şî xeymeyan badê zî ma amey bajarê konteyneran ke hetê dewleta ma, seba ma ame viraştiş. Ma tîya de keyeyanê xo reyde pêro pîya manenê. Emşo ma keye û dayîkanê xo reyde govent ont, deyran vat û ma mirda xo keyf kerd.” Ma heme kedkaranê çalakÎ rê spas kenê.”

Çalakî rê  Sereka Dayîreyê Xizmetanê Cinî û Keyeyî ya Şaredarîya Girdî Ayşe Yildirim û cinîya Rektorê Unîversîteya DÎcle Mehmet Karakoçî Meral Karakoç zî beşdar bîyî.