Hemwelatê astengdar nêame vîrkerdiş

Şaredarîya Bajarê Girdî ya Dîyarbekirî bi wesîleya 23-29ê Elule  Hewteyê Astengdarê Eşnawitişî yo Mîyanneteweyî, mekteban de wendekarê astengdar rê dîyarîyan vila kerd.

Şaredarîya Girdî bi ferasetê şaredartîya sosyal, her qomê hemwelatîyan rê xizmet kenê.

Serekîya Dayîreyê Xizmetanê Sosyal ya Şaredarîya Girdî, bi wesîleya 23-29ê Elule Hewteyê Astengdarê Eşnawitişî yo Mîyanneteweyî, qezaya Yenîşehrî de Mektebo Verên û Mîyanên ya Astengdarê Eşnawitişî ya Surkentî ziyaret kerd.

Serekê Dayîreyê Xizmetanê Sosyal ya Şaredarîya Girdî Bayram Sezgîn hem selahîyetdaranê mektebî ra derheqê xebatan di agahî girewt û wendekarî reyde ame têhet, mudeyêk suhbet kerd.

Zîyaret de hetê Serekîya Dayîreyê Xizmetanê Sosyal ya Şaredarî hacetê mektebî dîya wendekaran.