Hesadê çeltugê Qerejdaxî virazîya

Walî û Serekwekîlê Şareadrîya Bajarê Girdî ya Dîyarbekirî Alî Îhsan Su, hesadê çeltugê Qerejdaxî ya ke wayîrê tescîlê nişane coğrafya yo, bî.

Qezaya Çinarî dewa Kanîbanik de de tewrê hesadê çeltugê Qerejdaxî bî û bi vaşturî û biçerî hesadê çeltugî viraşt.

Walî Su merasîm de qalîkerdişêk viraşt û da zanayene ke bajarê ma sektorê zîretî de wayîrê potansîyelêko pîl a. 

 “Ma semede averberdîşê birince xo projeyanê girîng virazenê”

Walî Su kîfş kerd ke bajarê ma sektöre zîrerî de hetê xele, peme,birinc ûsn wayîrê potansîyelêko pîl a.

Walî Su vîr vist ke birincê Qerejdaxî serra 1992 de                                                                              ameyo tescîlkerdiş û serra 2018 de zî tescîlê hêremî girewto.

Walî Su qalîkerdişê xo wina qedînay:

“Ma semedê averberdîş û xêzkerdişê birince Qerejdaxî xebatanê zaf cidî virazenê. Ma serra 2021 de citkaran rê 96 ton emser zî 169 ton toxim vila kerd. Ma emser birince Qerejdaxî de 5 henzar ton mehsul pawenê.”

Walî Su da zanayene ke birince Qerejdaxî bi tehm û aromaya xo birincanê bîn ra xeylê cîya yo û hemwelatê ma zaf kes kenê, aye ra ma do semedê averberdîşê ina mehsulî xebatanê xo bidomnê.

Hesad ra dima Walî Su, hemwelatîyan reyde ame têhet û goşdarîya waştîşanê înan kerd.