Îtfaîyaya Dîyarbekirî tetbîqatê şewatî viraşt

Şaredarîya Bajarê Girdî ya Dîyarbekirî bi wesîleya Hewteyê Îtfaîya, Merkezê Ciwanan ya Erxenî de tetbîqatê şewatî kerd.

Serekîya Dayîreyê Îtfaîya yê Şaredarîya Bajarê Girdî ya Dîyarbekirî bi wesîleya 25 Elule-1ê Teşrîne Hewteyê Îtfaîya hemwelatîyan rêperwerdeyê teorik û pratik yê wezîyeto lezgîn dana.

Ekîbê îtfaîya ewilî ciwanan rê perwerdeyê teorik da ûı badê pîya tetbîqat viraşt û ciwanî mudaxalekerdişê şewatî bi perwerdeyê pratik musayî.

Wendekarê Mekerzê Ciwanan ra Yunus Yorulmaz da zanayene ke hem mudaxalekerdişê şewatî yê pratik hem zî teorik musayo û feydeyê perwerdeyî zaf ê.

Wendekar Ecrîn Firat zî “Ma ewro derheqê şewat û wezîyeto lezgîn de çi-mîyê zaf muhîm musayî û ma eşkenê der û dorê xo rê zî bidê musnayiş.”

Wendekarî îtfaîyayî zîyaret kerd

 Wendekaranê Banê Zanayîşî yê Serekîya Dayîreyê Xizmetanê Ciwan û Sporî û wendekaranê Mektebo Vêren y a5 Nîsane bi wesîleya Hewteyê Îtfaîya, qezaya Peyasî îstasyonê îftfaîya ziyaret kerd.

Wendekarî bi îtfaîyayan merkez de gêrayî û badê derheqê vêşayîş û şewatî, wezîyeto lezgîn, zanayîşê malazemeyî û mudaxalekerdişê înan de agahî girewt.

Badê gedeyî weniş wesayîtê îtfaîya û tetbîqatê honakerdişê şewatî viraşt.