Mezadê Kitaban wendekarî reyde ame têhet

Şaredarîya Bajarê Girdî ya Dîyarbekirî her aşme cîya-cîya cayan de Mezadê Kitaban tertip kena û mezad na rey zî wendekaranê lîse reyde ame têhet.

Serekîya Dayîreyê Karanê Kultur û Sosyalî ya Şaredarîya Bajarê Girdî ya Dîyarbekirî do aşme Mezadê Kitaban, qezaya Yenîşehrî Lîseya Zanîstê Sosyal de tertip kerd.

Semedo ke wa hemwelatê ke wazenê hîna rehet biresê cîya-cîya tewir de kitaban û kitabe ke çapkerdişê înan çin ê, mezad her aşme virazîyeno û vayîya kitaban 5 lîra ra dest pê keno.

Wendoxan sayeya mezadê kitaban hîna rehet û bi hewayêko erjan resenê eseranê  felsefe, tarîx, sosyoloji, zanîst, teknolojî, senet, ekonomi,edebiyat, zanîstê sîyasî, têkilîyê mîyanneteweyî, sîname, tîyatro, resm de ziwananê Tirkî, Erebkî, Osmanî, Farisî, Almankî û îngîlîzkî.

Perwerde û sosyalbîyayişî rê desteg

Wendekar Murat Bariş Muguç da zanayene ke beşdarbîyayişê çalakîyê winasÎ ver zaf keyfweş o û bade qalîkerdişê xo wina domna:

“Çalakî zaf weş şi û çalakîyê winasî semedê sosyalbîyayiş û têkilîyê ciwananê sey ma zaf muhîm ê. Kitabê tarîxî bala mi zaf ancena û mi 4 kitab erînay.”

Wendekar Elîf Neval Çelîk zî bal ont ke mezad mektebe înan ame viraştiş û aye ra zaf keyfweş a û wina vat:”Mi di kitabe neweyî erînay û firsendê rotîşê kitabe xo zî dî.Ma zaf keyfweş î.”

Wendekar Muhammed Yîgît Aksoyî zî derheqê mezade de wina qalî kerd:

“Ez seba xo zaf keyfweş a. Ez xo zaf bextewar hesibnena ke teyna sey wendekarê mektebo mîyanên tîya de mi kitab erînay. Man o çalakî ver Şareadrîya Girdî rê spas kena. Goreyê mi gereke çalakîyê winasî dewam bikero û çalakîyê winasî hem desteg dana perwerdeyê ma hem zî sosyalbîyayişê ma.”