Şaredarî problemê awa şimitişî ya dewa Bîre safî kerd

Şaredarîya Bajarê Girdî ya Dîyarbekirî bi şirikîya Qeymeqomî û Şaredarîya Çêrmûgî problemê awa şimitişî ya dewa Bîre safî kerd.

Midurîya Pêroyî ya Awe û Îdareyê Kanalîzasyonî ya Şaredarîya Bajarê Girdî ya Dîyarbekirî(DÎSKÎ) semedo ke wa hemwelatê taxanê Bêja de zî şewe û rojê bê mîyan biresê awa şimitişî xebatanê xo domneno.

Midurîya Pêroyî ya Dîskî semedê kêmkerdişê tesîrê zuwayî taxanê bêja de proje û xebatanê xo domneno. DîskÎ na rey zî semedê safîkerdişê probleme awa şimitşî ya taxa Bîre ya Çêrmûgî dest bi xebatan kerd.

Ekîbê Dîskî semedo ke wa çimeyê awe ya qezaya Şankuşî dewa Simakî ra dewa Bîre zî îstîfade bikero xebatanê xo qedînay.

Qepsema xebate de 12 henzar û 100 metre borîyê awe ravist û awe kirişt dewa BÎre û probleme awa şimitişî safî kerd.

Qeymeqomê Çêrmûgî Vahît Yilmaz, Şaredarê Çêrmûgî Şehmus Karamehmetoglu û Midurê Pêroyî ya DÎSKÎ M.Firat waşt wa hemwelatîyan rê xeyrîn bo.