Semînerê “Keye de Têkilî” virazîya

Şaredarîya Bajarê Girdî ya Dîyarbekirî bi wesîleya 25ê Teşrîna Peyêne Roja Tekoşînê Vera Şîdetê Serê Cinîyan semînerek viraşt.

Semîner hetê Serekîya Dayîreyê Xizmetanê Keye û Cinîyan ya Şaredarîya Girdî ame tertîpkerdiş û semîner de Psîkolog Sadik Sun, semînerê “Keye de Têkilî, Problem û Safîkerdişê Pêwendîyê Mîyan” da.

Semîner Merkezê Kultur û Kongreyî ya Sezaî Karakoçî de virazîya û Sun, semedê keyeyek hîna keyfweş rayîrê têkîlîyan da zanayiş.Sun kîfş kerd ke gereke safîkerdişê probleman de herkes berpirsîyarîye bigîrê û bal ont, giringîya têkilîyê baş ser o.

Semîner ra dima hetê Tîyatroyê Şaristanê ya Şaredarîya GirdÎ kaya “Kirik Neco” ame kaykerdiş.

Çalakî rê temsÎlkaranê sazgeh û dezgeyanê sîvîlan û hemwelatîyan beşdar bîyî.

Standan ronîya

Serekîya Dayîreyê Xizmetanê Keye û Cinîyan ya Şaredarîya Girdî, avmyan de bi temayê “Ma hemverê heme şîdeto ke cinîyan rê beno, yê” stand akerd.

Standan de hemwelatîyan rê agahî dÎya û xebata rêberî virazîya.